我原來已經好久沒有來喇....這一個月來心情反反覆覆的...

不過我想沒事吧...

因為那個男孩實在是太多問題吧...

我沒有幸災樂禍...但我確實慶幸可以回頭回得切...唔比自己泥足深陷....

...雖然我哭過...我哭只係我接受唔到o個個係我好朋友...

而家見到到好朋友比我仲要痛苦...因為佢真係真正陷入左三角之苦...佢開始知道問題所在...佢自己都好矛盾..想對方同個女仔分手...但佢自己又過唔到自己o個關...或者我見到佢咁...我更確實我可以放棄對呢個男孩有好感...因為晒緊我時間...

 最近常常都經過...以前跟"佢"去過o既一間cafe...雖然已經執左...不過又憶起以前跟"佢"一起打打罵罵o既日子...貓貓,o個個"佢"呢...以前成日都同你提o既呢...最近我常常都諗起..但我已經冇左o個種唔開心o既感覺...不過你講得o岩...偶而諗起都幾甜蜜...

 "佢"起碼都好過o個個男孩...起碼個人都真d...諗起以前好好笑...諗起以前"佢"整古我o既日子...真係比佢激死...日日返工都比佢激...到後期佢成日都講d嘢激我....我曾經覺得"佢"應該好憎我好唔鐘意先會係咁...我對住"佢"永遠都唔可以好好安靜落嚟...總係好激動咁...

 有朋友曾經話:你真係失態...比人估到你啦...

我心裡面諗我呢d叫失態咩...我係咁咖啦....咁佢激我嘛..我只係鬧番佢轉頭咋嘛...我又放狗咬佢...

 係wor...唔記得搬d blog過嚟tim...佢激到我死o既日子要紀念一下...要搬過嚟先得~~

係度祝大家平安夜快樂...同聖誕節快樂~~

一定要超級超級快樂~~呀~~知嘛!

講大話好辛苦...當然我唔係未講過大話..但我唔想連自己都呃自己...

既然決定放棄...就應該去積極面對...

當然你問我見到佢地眉到眼去有冇嘢...我話冇..你都唔信啦...

我個心仲好up....up得有d痛tim...但都冇法...要keep住秘密就要捱落去...

大家做好朋友..起碼可以keep得耐d....其實愛情可以係一個人o既事....

而且我自己根本接受唔到同好朋友鐘意同一個人....以前我都曾經摸過佢塊面...因為我問過佢塊面係咪真...因為佢塊面以前成日都受傷(哈哈...其實乘機就真)...不過以後都唔可以再摸佢塊面lu...

未說出我心中故事

誰料到你我他也在夢兒

像說出情話不智

無奈太怕離別

原諒我不願來道別

原諒我不願明示

原諒愛的心不知怎示意

我願待過些時

三角終一邊痛悲

太壞有一邊逃避

得有一邊懂時機

放下愛同情妒忌

心裡想找到轉機

我恨我有點迴避

三角將一邊提起

最後由兩面結尾

我個心真係好痛...好朋友而家算叫做做人地第三者..

佢仲好似好理直氣壯咁....

聽到一半,繼續上堂...但上上吓...真係頂唔順..走左去廁所喊...

我一直都不停後退,就係唔想去到好朋友個地步....

同好朋友一直搭車,一路聽佢同小男生O既嘢....

我覺得好似局外人咁...我算係D咩?

我同時發覺小男生對我O既態度變晒....唉~~

 希望佢D態度繼續差D...唔好對我咁好...因為對我好我會唔開心...

但佢依然關心我....

其實我咪仲心痛....

雖然我都知上堂前飲酒係唔arm...但我係上到堂同抄到notes咖...尋日仲笑緊我...

但佢今日竟然對我有責怪o既意思...

個個都可以話我..但佢唔得....

因為佢....我先至咁唔開心....

我個心仲唔舒服....真係好唔舒服...好似比人兜心口打一下o既感覺...

本來曾經諗過同好朋友講我對小男生有好感...但我知講左就會傷害左大家...與其傷害兩個朋友,不如我自己一個唔開心就好喇...

其實衝去廁所喊o個陣, 我打左比一個朋友....係...又係上次一打去就嚎啕大哭o個個朋友...我猛講我一定喊晒佢...唔係朋友會懷疑...佢地會唔開心...係人地面前,我可以呃到一吓人,但當我自己一個o個陣,我係唔可以連自己都呃埋...所以我要打比我另外一個好朋友傾...如果唔係,我會癲...

尋晚仲同好朋友講...只要佢開心...我會支持佢....

我開始發覺我真係傻....支持情敵?!

我係咪好傻?好on居?

其實要我真心講呢句說話係要好大勇氣....但都講左出嚟...

眼見好朋友同小男生(細我四,五年o個個)玩得咁開心....心裡面有講不出o既唔舒服..

我就嚟癲喇~~

可唔可以唔好玩得咁埋呀?我控制情緒唔係咁叻咖咋~~

好朋友話唔介意同男方傳緋聞...咁即係有d嘢啦~~冇好感都唔會話唔介意啦~~

好很煩~~

放左學之後...打比一個朋友....

up完人家個名之後....

失控咁狂喊....

我諗我個朋友都幾無奈....=.=''

成晚都忍住唔喊....仲要我睇住人家開心咁玩....

我只係想喊...同暈~~

犯左一個自己心目中一直原則set下來的大忌...

還是最近才發現問題突然出現.....我而家好驚....

好害怕自己會犯下去....

錯就會一直重蹈覆轍下去....

我不可能犯這樣的錯....

情感過不了理智的一關...

心中很痛苦....

有些事情當然知道自己一定不會做....

所以才痛苦...

arm arm開左學...d義工活動都仲係未做晒...所以都係好忙...

返到學校...未上堂就會同d同學仔傾計狂玩.....

好耐冇見過男同學A...

我同另一個同學都異口同聲話:你肥左呀....

同學A: 咩呀?我練緊喇...

我:練咩呀你...練大左個胃口呀?

同學A:咩呀...唔信你摸吓...

另一個同學摸完之後:嘩....你個肚泡o既...

我o個陣擺左一副miu咀miu舌o既樣....(即係衰衰格格o既樣)

男同學A突然捉住我隻手摸佢個肚...我冷不提防(被迫)摸...

男同學A: 摸到未呢?

我:真係摸到呀...

男同學A:都話有練咖啦...摸到呢....

我:我摸到呀...仲覺得郁tim ar...你有左幾多個月呀?你bb肚餓喇...快d餵佢啦...

男同學A向我做出想打死我O既表情....

hehe....激屎人成功...

-------------------------------------------------------------------------------------------

放左學...大家一齊行出去搭車...

咁arm有一架私家車走出嚟讓我地一班人先行...

男同學B:咁好O既...?咁禮讓o既...?

我:咁你快d走出馬路中間鞠個躬比佢啦...

男同學B:咁你唔出?

我:我冇讚佢wor...

我諗佢會想殺死我...哈哈哈哈...

哈哈~~不過我只會咁樣整古d男同學...女同學真係唔敢呀...佢地面皮薄嘛...真係會嬲咖...所以我會鐘意同男同學傾計多d...起碼唔洗轉個彎講嘢嘛...我自己講嘢都唔鐘意轉彎...好辛苦咖...

當那天懷抱你時....沒決心承認....

(雖然我跟佢沒有懷抱過...但我確實係佢面前沒有承認過一些事情...應該要係佢想問我o既時候答嗎...我其實唔知....勇氣嘛...從來都係我強項...雖然承認都唔代表可以係埋一齊,但我就因為冇講過...到而家我都過唔到自己o個一關...我只要對住佢...我真係咩都講唔出...)

繼續返工兼返學....

上星期日,去左老人院做義工...我同另一個義工負責一part,不過我地全部都要戴口罩...

有一個呀婆係咁拉住我同我傾計...

「你結左婚未呀?」婆婆問...

「......(第一嘢就咁問我).....未呀....婆婆」

「你個相生得好好咖其實....」

我鬼鬼馬馬講....:戴左口罩你都知?

「呀婆識得睇咖...以前我幫人睇相咖...有時人地比錢我收,我都唔睇咖...你應該第時幾好咖..不過要遲婚囉...」

我再次鬼鬼馬馬講:呀婆,咁我係咪即係嫁得出呀?

「你記住遲婚呀....唔係,成日拗交咖喇...」

我聽到呢度...忍唔住企係度大笑....我唔係因為嫁得出而笑...而係覺得好好笑...唔知點解...

我個partner離遠見到我傻笑,佢覺得我好詭異wor...仲話點解呀婆唔幫佢睇相...

其實我一直以嚟,我都好想係一d大時大節去老人院派吓禮物,玩吓遊戲...願望成真..我好開心就真...其實佢地都好寂寞咖...

著西裝男人感覺好似好pro咁...而且要係高瘦先著得好睇...唔係話歧視d肥人...但係我又覺得唔係咁有型囉...尤其係你見到佢地著到d恤衫爆晒咁...就唔係good fit la...

一個有型o既男人著西裝除左good fit之外,仲要係著尖頭o既皮鞋...刷得立立令咁...就真係掂喇...我反而唔鐘意o個d太大隻o個d...好似想隨時揼你兩嘢咁...當然有d肌肉係好啦...

不過我只係鐘意睇咖姐...我呢d眼看手勿動o既....哈哈哈哈~~你叫去識...wor.~~你估我傻咖咩...我諗除左做義工要social之外,我諗我唔會自動識男仔喇~~我呢d淨講唔會做o既...

呢個九月好忙呢...

呢個星期日就要出去一個嘉年華做義工...

下星期六開始又要上義工課程,連續上n咁多個鐘o個種...13號同d義工朋友食晚飯...

19/9就要開最後一次籌備會議...因為要27/9要去老人院做探訪,為他們作中秋節活動...

我同另一個義工準備一個遊戲同d老人家玩呢~~希望到時唔好比d老人家玩番轉頭啦~~哈哈...

26/9又係上o個個義工課程....一定要上晒咁多個鐘先可以拎證書...

and then 九月尾就開學lu~

開左學之後又要少d做義工...唔係d成績好難keep咖喇~~

因為我想繼續讀上去...起碼讀埋個學士學位吧~~

我要奸巴爹~~!!

yeah~~

而家已經好少熨屋企人o既衫..因為放左工已經攰到隻狗咁...仲邊會熨衫...而家全部都係呀媽熨...

尋晚見呀媽個樣好攰,所以都幫一次手...

一口氣熨晒咁多日(其實幫呀哥熨)要著o既...幫呀哥將d衫擺番入衣櫃o個陣,見到有一大塊「梅菜」係櫃入面瑟縮一角...仲隱約有一陣邪味飄出嚟...

我大聲叫:呀哥,你件衫係咪今日著過?

呀哥:係呀...

我:你著過做咩隊番入櫃...臭咖wor...

呀哥:咁冇人熨ma....

我:呀~~~~~~~~~~~~~~~~

呀哥:你個樣好似中左「毒」咁wor...

我:好彩我長期鼻敏感姐...塞左一邊鼻咋...如果兩邊鼻通晒,我暈係你間房都似...

呀哥:@#%@*&^@$%@

我:哈哈~~

除左冇睇佢入面撞車o個後半集,真係唔忍心睇....

之後都係keep住睇番....

睇到王喜想自殺o個集,我不禁喊左出嚟..我諗起舊年因自殺而唔係度o個位朋友..我會想像到佢自殺前o既心路歷程...我覺得好唏噓...

睇到大結局,簡慕華(飾演何姑娘)同王喜講o既幾句說話..我而家仲會記起....

何姑娘話你呢d好聽就叫做痴情,唔好聽就叫做執著..

何姑娘:點解你外表咁堅毅,內心咁脆弱o既?呢個世界有好多嘢值得你去欣賞咖...你真係搵唔到一個代替心目中o個個人咩?

睇到呢度,我有d眼濕濕....

可能我同呀牛都係咁執著...事事好認真...尤其係感情~~~

講到底..我都係仲係好鐘意07年識o個個人...雖則佢做過我短暫同事...雖則佢換畫已經去到第二次...但係我心目中搵唔到第二個代替到佢o既人...我無法忘記日日返工都要諗辦法整古我o既佢...無辦法忘記那個赴我打開飯盒,佢走嚟偷食我d餸o既佢...唔會忘記我同佢係cafe食lunch o既時間...唔會忘記係office日日都拎把間尺互片o既日子...仲有好多好多...

everytime聽到呢首歌..睇到呢首歌o既歌詞,我都會喊...

我其實冇興趣同人家爭嘢玩...比人有個咁o既誤會真係天大o既冤枉....

而家對我最重要o既係讀書...其他都要擺埋一邊...

我只可以話到而家都係好鐘意好鐘意o個個"佢"....

其他男人走過嚟,我都唔會睇到...

唉~~~而家d女人好鬼麻煩...

問題係如果我走去朋友暗戀o既男人身邊,就話我衰格姐...

但我冇wor...我咩都冇做wor...仲刻意保持距離...唔了起話題講...仲想點?(平時我鐘意講笑搞氣氛)

咁人家走過嚟講嘢...禮貌上會答人...唔通唔笑唔出聲兼黑面?唔係啩...

我最憎三人行...

女性朋友仲揚言...我以後都唔叫佢出嚟喇~~~!!!(講到我好似話食左佢個男人咁...我連掂都冇掂過佢個男人呀...我寧願仆親都冇要佢扶啦..)

唉~~話之你啦...

咁驚,收埋個男人嘛...千祈唔好帶佢出嚟呀...一陣間,比我呢個女人仔捉番佢山洞tim呀...咁驚...

最安全收佢係灶底...再唔係收係雪櫃...呢個天氣咁熱,得閒打開個雪櫃涼吓冷氣又可以見吓個男人囉...

莫講話你帶唔帶個男人出嚟....就連呢位女性朋友,我會考慮吓應唔應約囉...

呢次係第二次喇~~我替個女仔有d驚....其實都未一齊...搞到個男人已經好似係屬於佢...

但個男人仲好似唔知咁....好奇怪~~

---------------------------------------------------------------------------------------------

其實我覺得自己都冇咩魅力姐...應該唔會有咩殺傷力咖?又唔係靚,又唔係可愛o個咋...做咩會惹呢d是非咖?哎呀~~唔好煩我啦喂...

好朋友問我:大B,你做咩成日都識埋呢d朋友咖?

我 :怕且撞鬼啩~~

今日係office做到想咆哮....好炆...d客連食飯時間都唔放過我...做咩姐...做咩唔比我食埋個lunch姐...搞到我早餐變午餐..到食午餐o個陣,個lunch box已經變左味....

我想殺人呀!!!!

聽日要去做義工同見到好朋友...心情應該可以會好番d...

由於我要做埋admin...我要上網訂文具....基本上...都去開一間嘢度訂...不過上次訂文具o個陣...就有一d唔好o既經歷...我覺得間嘢d customer services o既人好有問題...話覆我都冇覆..不過唯一好處係個送貨員都幾有禮貌...

今日個送貨員嚟到...依舊好有禮貌....

遞完張單比我就同我講:下次就唔係由我送嚟喇~~

我:點解呀?

送貨員傻笑住講:我辭左職喇..

我: oh~~

我聽完有d唔開心囉...因為我覺得呢個年青小伙子好有禮貌...比時下o既年青人仲要有禮貌...不過年青人又冇理由成世做送貨o既...呢個年青人真係最多都係廿一二...最初,我對佢印象唔多好...又金毛..髮尾仲留條尾咁...但後尾發覺佢好有禮貌....唔該前唔該後...都幾乖~~

我遇過太多冇禮貌o既人...遇到o個陣,真係想一腳伸晒佢地出馬路...

希望呢個年青人可以會有更好o既前途啦...我都好開心佢會話我知...

--------------------------------------------------------------------------------------------

之前遇到一個某大型速遞公司o既人仲奇怪...不過我覺得搞笑多d...

快件通常要給公司印...仲要印得好清楚...

我第一次印得一半....=.=:"哎呀~~死喇...印得一半tim..."

個速遞員竟然講:e...?咁鬼馬...

我心諗有幾鬼馬呀.....

再給多一次,都係給得一半...

我: oh no~又得一半tim....

個速遞員竟然用左把低b聲同我講:唔緊要啦...那~~咁樣咁樣咪睇到囉....

我當堂唔知好嬲定好笑...嬲就係自己問題啦...但笑o既係對方竟然用低b聲同我講嘢....仲想安慰我咁...

好搞笑~~

不過成個七月發生左一件好唔開心o既事同一件開心o既事...

但感覺有d唔平衡..

好唔開心就梗係隻貓o既離去....

開心o既係成績出左喇~~

我有兩個B三個C呀~~無諗到考LCCI考極都唔合格o既我...讀LAW竟然有兩個B...都好呀...證明我唔係無腦嘛~~哈哈~~我注定同數字係無緣o既...

上星期五晚有朋友同我食飯...

朋友同我講:如果你第時做律師,可唔可以收平我?

我:err...你會搵我做咩?

朋友:可能係離婚呢...

我:諗咁遠做咩呀?你而家婚都未結...或者到時係你老公買樓轉你個名呢...唔好諗得咁灰得咖...

然後,我同朋友係cafe都笑到格格聲~~

確係...諗d嘢太複雜係唔好...

其實我知自己唔係一個樂觀o既人...不過我知唔開心o既感覺係好差...所以我寧願見到人地開心..係咪?

仲有,上星期六去左大澳...都唔知邊個死人頭提議...熱到我呀...成打成打電咁嘔晒出嚟...

夜晚食飯我仲呆吓呆吓....唉~~咁樣好糟蹋我d食物咖嘛...因為我唔係歡天喜地去食...d食物會唔開心咖...好彩我搽左防曬,唔係曬到成個賓賓咁....

星期日就去左書展...其實o個日已經攰到隻咩咁....不過應承左朋友,冇得推咁解咖姐...結果行左五個鐘...如果我隔離係一位高大威猛o既男士,真係好希望佢咩我呢隻咩返去...走o個陣幾乎想跪係度....我買左三本書...都幾好睇咖...

下次再講比大家聽,我買左咩書啦~~^^