很累~~雖然我只係會計師樓o既一個細薯女...但就做到我死...o個個咁o既會計deadline真係煩死人...

不過成個七月發生左一件好唔開心o既事同一件開心o既事...

但感覺有d唔平衡..

好唔開心就梗係隻貓o既離去....

開心o既係成績出左喇~~

我有兩個B三個C呀~~無諗到考LCCI考極都唔合格o既我...讀LAW竟然有兩個B...都好呀...證明我唔係無腦嘛~~哈哈~~我注定同數字係無緣o既...

上星期五晚有朋友同我食飯...

朋友同我講:如果你第時做律師,可唔可以收平我?

我:err...你會搵我做咩?

朋友:可能係離婚呢...

我:諗咁遠做咩呀?你而家婚都未結...或者到時係你老公買樓轉你個名呢...唔好諗得咁灰得咖...

然後,我同朋友係cafe都笑到格格聲~~

確係...諗d嘢太複雜係唔好...

其實我知自己唔係一個樂觀o既人...不過我知唔開心o既感覺係好差...所以我寧願見到人地開心..係咪?

仲有,上星期六去左大澳...都唔知邊個死人頭提議...熱到我呀...成打成打電咁嘔晒出嚟...

夜晚食飯我仲呆吓呆吓....唉~~咁樣好糟蹋我d食物咖嘛...因為我唔係歡天喜地去食...d食物會唔開心咖...好彩我搽左防曬,唔係曬到成個賓賓咁....

星期日就去左書展...其實o個日已經攰到隻咩咁....不過應承左朋友,冇得推咁解咖姐...結果行左五個鐘...如果我隔離係一位高大威猛o既男士,真係好希望佢咩我呢隻咩返去...走o個陣幾乎想跪係度....我買左三本書...都幾好睇咖...

下次再講比大家聽,我買左咩書啦~~^^

諗唔到達用咩題目,唯有寫日子啦....

呢兩日個人都係渾渾沌沌....對左隻貓十八年...

突然有一日唔見左... 然後日日都係咁...

有位朋友話天下無不散之莚席...但好似唔係咁形容我呢種情況囉....

當然人永遠唔可以咁唔開心落去,但我都係人嚟咖姐....

隻貓"走"左兩日,唔通我要歡天喜地咩?

唉~~無咁好氣 ...有d人係鐘意同你不停拗....仲以為自己好有道理...真救命..

我有陣時真係會懷疑我呢個朋友講嘢係咪唔用腦...

例如佢尋日會問我:你隻受貓有冇喪著禮?

我:冇~

 佢:咁送去邊?當垃圾?

我睇完呢個msg真係有d shocked..."當垃圾..?"

你今天終於離開了....

我不會忘記你....

你跟我在一起十八年了...

沒想到以為本來只剩下兩個月的時間相處,到今天為止多了一年多時間...

人人都說你賺了...

但對於主人嚟講,幾耐都唔夠...

去到今日送你走.....係幾咁迫不得已o既事...

睇見你連企o既力都冇...聲又冇...我個心痛到裂開...

見到你咁...我真係忍唔住喊....

去到醫院,醫生拎你出嚟o個陣,竟然見你夾硬企起身...

我地都唔敢望住你打針離開....

我係醫院忍唔住再喊 ....

其實尋晚已經估佢係呢幾日o既事...只係估唔到咁快...

我個腦而家仍然都係一片空白...咩都諗唔到....

溝通係雙方面o既事...並唔係單方面o既事...

我同我呀媽溝通...我諗我比我好多朋友嚟得好...

係因為我覺得冇必要要隱瞞...

通常佢問到,我一定會答...因為係我世界,其實冇咩唔見得光....

我同呀媽成日都有好d好無聊但我又覺得好好笑o既對話...

例如...上個再上個星期去完澳門...

我呀媽係咁打嚟比我...問我幾時返到屋企...

呀媽:你落左船未呀?

我:落左喇...

呀媽:咁耐未行到地鐵站o既?

我:行緊啦...你唔好訓住呀~~我買左手信比你呀...

呀媽:咁客氣呀?我同你唔係好熟咋wor...

我:你同我唔熟唔緊要,我同你熟咪得囉...哈哈...跟住我係地鐵狂笑....(我o既狂笑令我d朋友非常側目...XDD)

我d朋友會好奇怪...點解我咁大個人....廿幾歲都要向呀媽報到...但又唔會發脾氣同講大話...

第一:我覺得為人子女係應該唔好做d嘢令父母擔心...可能我係單親家庭長大...我覺得呀媽身兼父職係好偉大...佢一個女人仔要擔心雙倍....所以我覺得無必要唔會令佢擔心我o既事...

第二:講大話....其實更加無必要....因為我講大話好易比人拆穿....

第三:發脾氣...唔會囉...我基本上只會發自己脾氣...

突然又諗起另一段對白....

話說考試前(o個陣五月)...我睇到雜誌話有一個地方食海南雞飯好正...

我:考完試我帶你去食海南雞飯呀...

呀媽:你幾時考完試?

我:六月中...

呀媽:咁耐?餓死都唔到你考完試啦...仲有成個月wor...

我:hey...咁你呢個月會煮飯咖ma...你先煮一個月飯等住先啦~啦~啦~...

呀媽:超~~~

我:哈哈哈哈~~

其實可能你覺得無咩特別....但我覺得好好笑~~好開心....

我係o個種日日返工前都會叫呀媽想打比我就打比我傾計o個種人,不過當然要係lunch時間打比我啦...如果佢真係打嚟,我會好開心...即使我呀媽只係講吓佢o個朝早做過d咩...我都會覺得好開心...雖然我其實係同佢住....不過lunch有一個咁o既電話,我下晝做嘢會特別開心...

有一次試過,我呀媽body check完打比我...

我問:你打左比呀哥未呀?

呀媽:未呀...一完就打比你啦...

我:好嘢...係打比我先....

呀媽:痴痴地....

我諗我真係痴痴地...哈哈哈哈~~

個心一直都好唔舒服...除左因為食左d氣管藥之外...可能仲因為....

其實一直知道自己個位置已經定左...

亦不可能再前進....

只係睇上天有個咁o既安排,我就知...

我知呢幾日"佢"會做手術...都係好早前我用另一個身份先知...仲要係佢主動話過我知...

但問題係現實裡面,我又唔可以同佢講...亦唔可以關心佢....

心中有說不出的苦~~~

今日突然諗起呢首歌...

彷彿聽別人故事,今天我豈可關心多一次....

又再讓這刺痛一再開始....

若是熱烈地愛多一次,放棄原來更易...

就算以後失去你,仍笑說不介意...

約人出街都要比人串....唔約喇...以後邊個都唔主動約,費事比人串~~~

咁冇禮貌....

我有時間唔好係屋企訓....

打機...

同食嘢...

為咩要比人串....

好無癮~~~!

食氣管藥又食到手震震咁....個心又跳得快....

仲要比人串....

有冇搞錯呀?

好想鬧人呀~~/.(咆哮中...)

想出去玩o個d...串完我又唔出嚟....唔想去o個d,就係咁打嚟...咁算係點先?

個天係咪玩我先???!

可能every generation都有一個對偶像有不同o既要求...點講好呢....

早前想請呀娘同佢d朋友去睇一個音樂會...係有一班老牌歌手..即係張偉文...呂珊....o個隻...見到poster寫住有小虎隊旗號....最初我仲以為係吳奇隆,蘇有朋同埋仲有一個好似張國榮o既人o既台灣組合tim....後尾先知係80年代出道o既小虎隊.../.\我o既"認為"差d比人笑~~

再上網check...ee...原來小虎隊組合有林利(天哥--學警狙擊),胡渭康...(我記得幾年前,佢係亞記做過奸人...)仲有孫明光...?孫明光係邊個嚟咖?係youtube..d影像曚查查咁...根本就睇唔清楚....睇番以前d mv, 確實係幾好笑同幾得意~~~

不過我見到好多人鐘意孫明光呢個人....真係好靚仔咖?我見好多人仲好瘋狂咁....不過佢都好似冇做娛樂圈...至少我完全唔知佢係邊個.../.\跟住再search睇番o個個音樂會o既片段....雖然睇得唔太清楚,但仍然都係睇到眼都突埋....o個個又肥又矮o既大叔係邊個嚟咖?又話孫明光有六尺高o既?點解係肥叔叔嚟o既?個肚腩仲好似大到就嚟生得咁???

後尾先知o個個肥矮大叔叫做蔣慶龍....

喂~~又係邊個嚟咖?跟住見到d人極度激動...講呢個肥叔叔o既來頭...講o個d年份.我都未出世...唔怪得之,我完全唔知呢個人係邊個...

但係見到佢地好似好鐘意孫明光咁....我又唔覺得好靚仔姐...可能youtube質素差....希望d資深 fans唔好打我啦...哈哈~~不過時代唔同左,大家唔同要求姐...

不過見到大家咁踴躍叫呢個組合再唱....會唔會有d奇怪...?

都過左咁多年,要唱都唱左啦...

可能o個個孫明光都想低調,唔想再出嚟呢....?咁決心轉另一行發展一定唔係一件易事呢...