如果呢個世界可以愛多一點,或者就唔會有咁多唔開心o既事發生...如果呢個世界連包容接納都冇,我地又點能夠要下一代繼續接棒下去....

因為考試睇少左新聞...但尋晚係餐廳睇到有關新聞有d感想好想講吓...

我聽到家長講d嘢覺得有d悶...
有d家長話:我欣賞教育學生的決心,但唔好係度選址囉...

咁即係點...?
即係一啖砂糖,一啖屎嗎?

係正生書院讀書都係想改過自生o既人..以前他們的確做錯了...但重新讀書不是想走回正途嗎?
如果欣賞人家o既決心...為什麼又要反對人家的選址呢?不是自相矛盾嗎?

如果吸毒是不對,不就是給他們一個機會教育嗎?正生書院是教育的地方,不是吸毒所~~有必要反對成這樣嗎?
我見到那些想走回正途的學生要面對這些居民,對他們來說...真的很殘忍~~

做錯一次,就要被千刀萬剮嗎?

又有人家長話:為什麼要我的小孩走回港島上課?為什麼要剝奪我孩子的讀書機會?

我好想問...誰要剝奪你的孩子讀書機會?你最初在梅窩住的時間不是預了這個情況嗎?會突然知道要去港島讀書嗎?
我又好想問...如果你說別人剝奪了你孩子讀書機會...你為什麼不公平地剝奪了別人孩子讀書的機會?究竟是什麼道理?

如果香港人什麼都喜歡反對示威的話,我也很想遊行反對那些居民的反對....

# 來吧 關懷人多一點
不憂風波驟變
人間千分溫暖 因兩手牽
人若肯同情多一點 光輝必出現
塵世也會被愛頃刻感染 #

冬變暖 陪伴是愛深的臉
踏過萬里路 有你手牽
心最暖 無論遇上秋霜冬雪
愿最后抱著 你的溫暖
Repeat * #

同聚海角也是份緣
何不以愛做渡船
同珍惜讓這愛萬世不斷
風波過去小島見樂天
各把感情濃多一點 不憂風波驟變
人間千分溫暖 因兩手牽
人若肯同情多一點 光輝必出現
塵世也會被愛頃刻感染

考試考左三科...雖然係辛苦...但我知我真係鐘意讀呢一科....

一班朋友考完試係mc donald傾下一科考試o既嘢...

好開心....

我又講吓笑令大家開心吓...

有d同學都係呢幾日識...哈哈~~

我識到個男同學...都幾靚仔...而且笑起上嚟好可愛...唔知似邊個明星...可惜佢細過我...有冇搞錯呀....唔制呀...哈哈~!

我同佢偶而有眼神接觸...我呢d發放笑彈o既...當然我地又係度狂笑啦....

都幾開心呀~~哈哈~~同靚仔傾計,當然開心啦~~

呀靚仔同學同其他同學出去食煙....我係好怕人地食煙...所以我一定會聞到....

佢臨出去同我講:我陪人地出去食咋...

我: 又係wor...呀同學...你真係"好"人....(當然我唔信啦...當我傻咖咩...)

到佢返嚟....我問:點呀?食左幾支煙呀?

佢:咩呀...無食呀~~無呀...

講講吓...我又真係信...=.=

因為我真係問其他同學....

d同學:你信佢呀?

我擰轉頭...見到有d人笑得好詭異囉....

唉~~我咁易信人咖....明明大人地幾年...但我仲係豬咁蠢...唔怪得之那個"佢"唔鐘意我啦...

-------------------------------------------------------------------------------------------------

呢幾日都同一個女性朋友一齊溫書...

朋友同我講同我做朋友真係好開心....

因為佢覺得我講嘢好爽....亦都令人好開心...至少唔會成日challenge人地...

呢樣嘢..我就唔清楚係唔係喇...自己好難feel自己係個咩人...

不過...我成日覺得既然朋友一齊讀書又或者做嘢又好...都應該冇壓力...舒舒服服笑吓...真係會幾正~~同我做朋友,應該唔會用壓力咖噃....係咪?hehe....

我發覺"佢"應該唔知我係邊個...

我開始明白上天的旨意...無緣份同呢個人一齊...亦知道自己好難再用真正朋友身份同佢講嘢...上天一早安排我可以用另一種身份同佢溝通...只係我自己以前唔知道...突然有一下知道,咁都幾好...其實我都幾surprise...同幾嚇親~~

不過我可以接受....

人有好多種緣份...我開始相信..

不過這樣的事情真係好似電視劇咁...我覺得真係好神奇呀,貓貓~~

以呢一種新身份出現...好amazing~~(雖然扮唔識,好似好奇怪)

希望可以一直都係咁...

唔會比佢發現~~

咁我就好安慰....

睇起上嚟,好似好自欺欺人咁...

是旦啦...做人都係想自己開心d姐...

求咩呀,係咪?

 "上天在這頭堵了你的門,就會在那一頭開一個窗給你"---我開始明白....

第一次覺得心怯...看到法航那單空難新聞...個心好唔舒服....次次睇到空難,個心都會好唔舒服...
再睇埋台劇o既大結局...

我以前都會諗如果有一日我知道某人突然係facebook說結婚...又或者從某d人得知o個個人結婚,我一定會好唔開心...
但係如果要我睇到新聞知道佢係死o既消息o既話,我寧願知佢結婚o既消息...因為鐘意一個人唔會想佢死咖...雖然兩樣嘢聽起上嚟都會覺得好心痛....但係結婚起碼佢係平安...佢係開心...

一句"我還在"...是很重要的~~~
生離唔會好難過...起碼你知佢係開心同埋平安...
但死別,你就會永遠見唔到呢個人...

尋晚同朋友chat左幾句.突然好想聽到梁詠琪o既<<兩個人的幸運>>...
所以download左個mv落部mp4度睇..係地鐵睇到眼濕濕...
人生係有好多無奈~~

我很傻吧...對嗎?

天各一方終於等到陌生 和你 若不相識不相襯
另覓愛侶也會甘心

沿途如能叫你一早叫到沙啞
高呼一個密碼 幾百萬名字裡誰是你誰讓我查
只想你我幸運到令天地 害怕

明明木馬已經 為我準備
跨上一刻怎麼得我自己 除非 這繁盛都市
竟載不起一刻生醉夢死 如我 在荒島裡相識你
便沒法再錯過得起

好恐怖...原來天係會同我開玩笑...

話說我係由另一個blog轉過嚟...雖然我冇寫以前o既一個blog,但我都會睇吓其他人o既blog...

而家我都會睇吓有咩人嚟睇我個blog...其中見到一個人o既blog...呢個人我以前都睇過...仲留過言...因為我貪可以知道有關"佢" o個個行業o既知識多d...就去呢一個人o既blog..好偶而之下都睇左好多個月...有陣時間唔中佢都會嚟睇...不過我都冇為意...你睇人,人睇你...好正常姐...

今日再去睇佢個blog...我見到有一張相...我當堂打左個大突...唔好誤會...冇人樣咖吓...只係一d物件o既相...但係o個張相,我曾經見過...係邊度見過呢...我記唔起...但係....

再睇落去呢個人o既幾篇blog....呢次大獲.....

原來我睇呢個人o既blog----就係"佢" 既blog...oh my god...(我幾乎可以好肯定係"佢" o既blog)

天呀!!!你唔係咁玩我呀嘛~~~o個個blog只係揀嚟睇...點解咁多人寫o個個行業,又會比我撞中"佢"咖...oh shxt~~死啦...我自己寫自己o既嘢寫左好多個月咖嘛...如果佢估到,又留意我寫o既嘢..咪知我係邊個囉....oh no~~

點解會咁咖...oh no~~oh no~~~~oh~~~~

天呀~~~我已經好慘咖...寫嘢寫得咁隱悔..都唔放過我...有冇搞錯呀??

貓貓,點解會咁咖?點解會咁好恐怖咖?我覺得好醜怪呀~~~以前真係有諗過...如果佢睇到我寫o既嘢就好喇...但係而家咁o既境況,我又覺得好驚...唉~~我冇諗過佢會寫blog咖...仲要寫咁多中文....

呀!!!!

原來我只會對人越嚟越失望~~越嚟越冇信心...

男人同女人都係冇分別..講起大話上嚟都係唔眨眼...

好失望~~

為什麼不直接承認?

我等待你的謊言終被拆穿的一日...

深情?簡直係笑話....