考試將近...壓力越大...感覺不知為什麼比會考還要緊張...

基本上,我會考一點都唔緊張...我那時中英文完全沒有溫也可以合格的..其中中文一part考卷仲攞credit...(當然唔好學...哈哈)

但而家讀書就緊張得多了...就怕自己keep不到成績了...

全部assignment派晒返嚟....四份distination..一份credit...當然係開心...但一方面又擔心自己不能keep住...我其實唔係想考試合格,而係想考試高分...當收到最後一份assignment,我其實有點想哭了...因為一齊讀書o既同學仔都知道...個professor講得太慢...根本冇人知佢講咩...而且佢講解得太悶吧...還有他所說的根本不夠時間教完本課程...就要我們做assignment了..

當我們詢問有關assignment o既題目時.他又不肯恊助我們比d guide line我地...仲串我地:"you want me give you an answer?"唉~~我冇諗過wor...所以我好唔抵得佢咁講...自己狂睇書同睇notes...睇左好幾日...比心機draft過..as in result,我都可以係company law assignment攞distination...仲要比之前o個幾科assignment仲要高分...(係冇guideline o既情況之下)所以我睇到成績係幾咁想喊...~~~

但而家我好擔心考試..唉~~~~~我唔擔心唔合格...我擔心攞唔到高分吧...

我要高分呀!!!!!!!!!!!!!!!!!!!!我讀law要讀得高分呀...我唔可以衰比人睇咖...唔可以呀~~!!!

但我心情好悶呀~~!!!

呢幾日都係睡得迷迷糊糊...因為食左藥就會覺得好攰...仲係有d咳~~唉~~
不過今日就出左去o個個宣明會o既助養者聚會...

看到一些片段,令我知道我而家做o既嘢係arm o既...
宣明會請左周慧敏做嘉賓..睇過一d佢探訪照片....佢助養八個小朋友o既相....

其實中間有d悶場...仲差d訓著...zz..zz....

我知道在場一d人喊...不過我冇...
我嘛~~唔係冷血...
其實我同自己講--喊係幫唔到佢地...但我會更努力讀書...賺多d錢嚟幫佢地...
因為知識可以改變命運...
而我亦希望自己可以以生命改變生命...
以我目前o既狀況,只可以助養一個小朋友吧~~因為我自己都係半供讀緊...
自己o既學費都唔係小數目~~

又收到助養仔仔o既來信...呢次仔仔寫字數唔多...不過佢畫左一朵花花比我...係我以前收花都唔會好似仔仔送比我咁開心...

呢幾日我身體都係抱恙中....就係食左藥頭暈暈咁....

尋日又要照常因為身體另一d問題去醫院覆診...我o既病情不變...一諗起以前逢三個月就要去醫院照x光同睇醫生...真係覺得好辛苦...間醫院山卡拉咁遠...次次都"dun"到肺都甩先去到醫院...所以我好討厭去醫院...好討厭~所以中學時期o既我覺得好黑暗~~~我這個病睇左十幾年...去左十幾年醫院...次次去..個心都係好唔舒服..好似沒完沒了咁...直至前幾年, 先開始電話覆診,姑娘都會打嚟問吓我情況...

今日,聽到媽媽講個唔好o既消息比我聽..."你個舅父死了!!"
聽完之後,個腦一片空白...
即刻陪媽媽去醫院看看舅父最後一面...我其實冇去過o個個地方...媽媽說有點怕,我先陪佢入去...
他很平靜躺在白布之後...
以前爸爸「不在」的時候,我也沒有去過那個地方...

連曕抑遺容,我也只看了爸爸一眼...我覺得同生前個樣差好遠...所以小時候o既我已經諗...我要記住爸爸最靚仔o既一面...所以到而家我個腦只記住爸爸生前o個個樣....

生命o既真義到底係點咖呢?

人越大..喜事同白事都會越嚟越多....

但願人不會變得麻木吧~~

最近除左溫書之外,就係睇台劇~~<<敗犬女王>>

睇左好多集..喊左好多場...

雖然我未有好似女主角咁三十幾歲,甚至離三十歲仲有一大段距離...但係心態就好似女主角咁...已經唔想再去愛,再冇勇氣去愛...

愛人係一件好攰o既事....也許我應該好似女主角咁變成佛地女魔....

只要變成佛地女魔,我先唔會傷心...性格硬一點,咀賤一點...

你去看一看敗犬女王就會知我講咩....

<十幾歲喊痛,人家會覺得你可愛;廿幾三十歲喊痛,人家叫你吃大便..>

<愛多一次,究竟需要幾多勇氣...?>

<愛情不是憑感覺嗎?為什麼要憑條件呢?>

我好耐未試過喊得幾犀利....

可能一來考試壓力大,二嚟....太多嘢諗吧~~

我真的很想變佛地女魔~

女主角比人摸摸頭被讚說:乖~~

女主角即時喊起上嚟,"很久沒比人當普通女孩子呢..沒比人讚乖喇~~"

看到這裡,我又忍不住哭起來....

我這個人常常都硬撐...有時候忘記自己也是女孩子呢....其實我也想別人溫柔,對我好一點~~

好想考完試去旅行...但個豬流感咁行...點去姐?

唉~~

悶死人...

一諗起考完試又要返工...真係會覺得好悶...

無心情了...

而家真係變左周記咁...太多事做lu~~

而家趕緊最後尾一份功課...之前有四份功課都派晒番嚟...有三份distination..有一份credit...yeah~~不枉我捱更抵夜...去做~~我真係好比心機去讀咖...我寧願對住本law書都好過對住本account書...對住本account書,我真係會發脾氣~~一大堆數字...見到都暈~~

讀case我都會開心d....雖然真係好多case要背...哈哈~~

我好想買衫...好想扮靚靚...好幾個月冇買衫喇~~就嚟發癲喇...我~!

尋晚做功課做到凌晨四點...今日又要返早學(今個星期係星期六日都要返/.\...結果要飲咖啡提神...仲要飲兩杯)

不過同學J好好笑...由於之前佢冇返好幾堂...

佢打比我問我上堂O個D嘢..我答完佢之後...

佢話:我冇返呢幾日...有冇人掛住我?

我: 唉....唉....我想收線tim...(哈哈...我呢d串慣...)

佢話:唔係o既...一定有o既....

我: 我都係想收線...哈哈~~

佢話: 冇我係度一定好悶咖...呀某同學一定好悶啦...(某同學坐係佢隔離)

我:係呀...呀某同學上堂會玩掹你d腳毛嘛~~嘩~~你d腳毛多到..隻蟻走左入去..一定會困死係入面...哈哈哈哈...

佢:痴線...~~冇我係度實好悶咖wor...

我:係喇~~係喇~~我有掛住你喇~~安樂未呀?但呢次輪到你想收線...哈哈~~

and then大家都係度狂笑...

兩個友仔真係勁無聊...

感覺好似返番去中學o個陣咁...

讀translation o個陣都冇咁開心o既...可能o個陣我又冇咁合群啦...當時我又有好多嘢都好唔開心..以前我講嘢先唔會咁鬼馬....而家答d嘢仲好匪夷所思...

我而家嘗試不再執著...係愛情方面...

呢個多月裡面...我時不時都會諗起"佢"...都係以前一d大家相處時o既開心事...

似乎唔開心o既嘢唔多記得...或者好似貓貓所講,有過一段咁樣o既回憶..都應該係開心...

偶而諗起都會開心就夠...

雖然我真係諗過好多好多次..."佢"有冇鐘意過我...不過算啦...有時有d嘢...諗唔通就唔好諗...考完試,我都係會將我同佢o既回憶通通搬晒過嚟呢度...再一次走入呢條時光隧道....朋友,你願意陪我一齊走嗎?

我很想走出呢個框框...因為我開始覺得係唔係一齊已經唔重要...只要佢健康快樂就已經好好...聽過一個電台訪問係咁o既...

作者:有人話過對的人不會在錯的時間出現...其實係會咖...即使對的人會係錯的時間出現,那個人一定會再在對的時間再出現...

DJ:咁如果唔出現呢?

作者:如果唔出現,中間會出現合適的人....

呢段訪問比我意識到有時有d事冇需要問點解...問幾時...其實係唔重要...因為世界上太多變數了...

我發覺自己太多事需要去做...

------------------------------------------------------------------------------------

就快考試,開始要閉關自修了...呢個考試對於我嚟講太重要了...

我同義工朋友講開始要閉關了...

朋友七咀八舌問:閉關練咩呀?

我低能地答:練咩...?葵花寶典呀.....欲練神功....必先自~~~~~修呀!!!

-----------------------------------------------------------------------------------

考試後,

我一定要跳出自己o既框框...

同多d朋友仔出街...

見識多d世面先得....

呵呵~~