今日當真好攰...攰到兩隻眼...紅根暴現...尋日放學已經攰到眼得番一條線...

我同朋友仔講:你睇吓...我似唔似殺人犯?

朋友仔:點解係殺人犯?

我:通常演殺人犯o個雙眼先會紅根暴現....

臨收工前收到宣明會個email, yeah~~可以去o個個聚會喇~~

見到呢個email即刻精神不少...

但個人都係好攰....

好想食餐好好地...

好想去玩餐勁...

呢個星期日會去大尾篤同d義工朋友燒嘢食...

呢個係閉關前同朋友最後一個活動了~~

考完試後,我要同好多好多朋友出去玩~~~

你地忙完...都去玩吓啦~~

實在覺得太攰...

上星期返學要返埋星期六同日...攰到接近痴孖根...

唯一最正係星期日放學後去食海鮮...

七個人浩浩蕩蕩分開兩批人開始去食海鮮之旅...

我梗係坐同學仔架私家車入去啦...哈哈~~

呢一日熱得很...

我就著左件短袖衫加一件褸...其他女仔同學都係外加一件薄褸....

同學J只著一件短袖TEE...

好掛住一個人o既感覺有好...有唔好....

就咁掛住一個人兩年....好似傻傻地咁...

最近成日都諗番起同"佢"相處o既一段時間....

可能呢幾日都聽到有關"佢"間公司o既新聞....

同"佢"相處時間雖短...但好似過左好耐咁....

好多嘢都會好記得....記得"佢"以前成日係公司都會整蠱我....

係facebook...成日都串我...同"佢"傾愛情問題....係同一個我好鐘意o既人傾愛情問題...感覺好怪...因為我suppose"佢"唔知我鐘意"佢"...當然係唔係...我唔知...

我係佢面前總係好蠢咁....我只係想講我唔係因為"佢"職業而鐘意佢...係真係鐘意...

考完試之後....好想係另一個blog帶番d記憶返嚟呢度...我好想帶o個d記憶走...

雖然曾經我想忘記,逃避....但最後我都係想將回憶帶埋過嚟....

很奇怪吧~~?

我從來都冇講過我係正常咖wor...哈~~!

不過要等完考試先....

因為我唔想d嘢影響情緒....

今日睇「貝多芬病毒」...有兩句對白...我好鐘意....

「義無反顧去愛一個人,係需要好大的勇氣..」

我永遠都缺乏勇氣...信心...特別係"佢"面前....

「回憶是不會改變的」

係...人會變...世界會變...但回憶唔會變質...

我真的相信~~~

我記得有一次"佢"同我講...佢覺得我似周麗淇...仲叫我唔好咁低b...=.=

唔知佢覺得我似周麗淇邊度..../.\ 唔係覺得周麗淇低b啩...?不過我都幾鐘意周麗淇o既o個陣...

不過好彩唔係似hotcha...因為"佢"話hotcha d女仔好醜樣...

哈哈~~"佢"話咖...唔關我事咖....

真係得個「哼」字~~

連嬲都費事....

原來呢個世界真係話變就變....

人幾時變得咁唔可靠?

------------------------------------------------------------------------------------------

都係期待星期日的海鮮餐較好...

今日心情特別好....好有一種迴光返照o既感覺....

哈哈~~其實冇咩o既....朋友叫我不要理人家o既事....同埋唔好咁蠢信晒人地講o既嘢...

其實我又何必認真聽人講天荒夜譚o既事....講真,我唔係唔開心,只係唔鐘意d人講一套做一套同對感情唔認真姐...既然而家d人o既遊戲規則係咁....fine......我唔阻人發達o既....

開始計劃點溫書....開始計劃儲錢出國旅行...開始計劃考試後做番多d 義工service...因為讀書返學,少做好多service...真係有愧疚o既感覺...最想都係做番懲教所o既義工活動...同埋為智障人士服務...這兩類型人士係社會上都係比較少人接納...希望佢地知道其實好多人都好關心佢地...其實接觸過智障人士,我覺得佢地好乖好有禮貌...我對佢地有耐性過對其他正常小朋友...

對上一次做智障人士o既service,都係上年中秋節...只係坐地鐵都坐到暈...由葵芳坐到藍田....但佢地個個都好有禮貌咖...見到我就猛叫"姐姐"....有d係咁拉住我猜燈謎...我就好開心...同感動...可能你覺得我咩都感動一餐....我係咖...我傻傻地咖嘛...

o個日我拉住好多人同埋好多人拉住我...我相信有d同我差唔多年紀,有d仲細過我...不過我全部都當佢地係細路仔咁拖住周圍走...不過都有尷尬o既情況出現...就係o個日o個個centre...因為主要服務對象係智障人士.我又係o個種滿場飛o既人...有d我要等佢開口先知佢係唔係....服務對象...因為有d個樣係唔似o既....原來係~但似o個d樣,原來唔係咖wor(<---呢個先尷尬....)  所以我都要同佢地握手先知...有d仲著住套校服....原來係嚟...因為握手o個吓...佢望住我呆左....o個一秒我心諗我個樣唔係咁得人驚嘛...做咩咁呆....?不過當然好快知咩事...

o個日都係同佢地玩攤位遊戲....今日成日都諗番o個日o既情況....o個日係好攰,但係好開心...

或者我開心o既由來就係咁....起碼佢地唔係咁有機心...去算去度...佢地係好真...當然你問佢地會唔會講大話,我答:會....

o個日我成日都遇著一個人係咁講同一個大話...不過可以理解......細路仔想玩就係咁...

諗番都好...令我覺得幫人係開心事...唔好成日掛住d兒女私情...只係成日都掛呢d嘢,係好自私...呢個世界應該有好多事比愛情更有趣...更開心...

多d關心吓呢個社會啦...

呢幾排成日都玩FACEBOOK o既心理測驗..勁好笑
玩"你係學警邊一個角色?"....我竟然係吳唱k...(聰明好動、永不言敗、領悟力強、富正義感及責任感，對工作充滿熱誠。為人重感情。缺點是容易相信人，愛憑直覺行事而行為越軌，但漸學懂忍耐、犠牲以成就大事。(形容o既嘢都ok...只係我唔太like吳唱k姐...)

玩"你係IQ愽士邊個角色?"..(我竟然係山吹老師)...(天神村中學的老師，性格單純。後來成為了則卷千平的太太。) (但我唔鐘意人地用單純嚟形容我....好似好蠢咁....)

玩"你需要一個怎樣的情人"....(你/妳是一個愛在不言中的人。記得不要太在意對方的瑕疵，因為你/妳的伴侶雖然會常常和你/妳吵嘴，但卻會對你/妳很着緊。雖然表面上對你/妳愛理不理的但他/她暗地裡會為你/妳打點一切。單身的人要留意了，如果你/妳身邊有一個常常和你/妳鬥嘴，但卻會從你/妳身邊的朋友得知你/妳的狀況的異性，而且他/她更會在小細節上為你/妳打點好，你/妳就要好好珍惜了。(我突然諗起某人...以前成日都同我鬥咀....識得我耐o既blog友會知我講緊邊個...不過好難搵到一個好似佢咁o既人..)

took the 婚後你會虐待老公/老婆嗎？ quiz and the result is 瀕臨絕哂種既好伴侶,當老公/老婆係寶都黎唔切~老公/老婆係用來錫的，當佢係寶都黎唔切，點會虐待佢丫。對待老公/老婆你絕對係「三從四得」：老公/老婆講乜你都話(完全對)；佢吹牛你又話岩；佢講大話都會變左好有道理；總之佢做乜你都會話好，呢個世界好似你咁對老公/老婆保持仰慕、體諒、給予自由既好伴侶，都瀕臨絕哂種喇，不過咁樣~會唔會錫佢變左縱壞佢呢??( 而家d人唔縱都壞咖啦...遇到個值得嫁先算啦...)

took the 你係戀愛高手嗎? quiz and the result is 迷人級高手

你既厲害之處在於你既氣質. 同你相處果種散發既氣息, 令人難以抗拒. 所以識得你愈耐既人, 會因為欣賞你而喜歡上你. 不過都要睇下性格岩唔岩先好開始! 如果唔係只係一場苦戀. (我係高手?呢個世界冇低手啦...)

真係發自內心o既唔高興....

呢次唔係因為o個個"佢"...而係另一個人....

當然我唔係因為出自jealous..我係唔服氣姐...

明明比人講中左...仲唔肯認....

最憎人地唔老實....講一套做一套...講到自己有幾咁深情咁...而家諗番起都想嘔...

好彩冇應承一齊出街...唔係,我驚自己都會鄙視自己...

都話咖啦...

呢個世界好多男人都唔係深情o個咋咖啦...

睇嚟要見到深情o既男人都係係電影先見到...(悲哀)

咁真係可以解釋到我因為睇「假如愛有天意」,我會喊....因為現實中好多人都唔會咁...

尤其80年同埋之後出世o既人都係咁....係咪呢個年代出世o既人太多誘惑??

好彩同呢個人唔係好熟....

日日都同人去玩...仲話唔係...

唔好話比我聽o個個係男人...

(我以後都唔會信你...我討厭你....唔好再係我面前扮嘢...你要周圍識女仔就去識.....唔好煩我~~)

------------------------------------------------------------

車~~話時話...我做咩為左個同我唔熟o既男仔而覺得唔高興...

要blacklist呢個人...

都係諗我d節目好過...

呢個星期日同d同學仔去流浮山食海鮮...'

下星期日同d義工朋友去燒嘢食...$50咋..好抵...呵呵..非義工都$70...

雖然就遠d,係大尾篤....

四日假期,有兩日半做功課...我個腦而家都仲係實實地....決定聽日放左工去金鐘交完功課之後.去荃灣間板前食壽司(難得聽日唔洗返學..he~)...如果唔係,我驚我會死...荃灣間綠楊好似有間板前...

尋晚一做完功課,就係youtube聽歌輕鬆一下...聽番<<假如愛有天意>>首主題曲...

我竟然喊左出嚟....只係聽隻歌已經好心up...(原來我仲係幾眼淺..../.)

以前都睇過呢套戲....尋晚再睇番...都係仍然覺得好震撼...同埋咁好睇....

我其實幾鐘意趙寅成同曹承佑...趙寅成真係好高呢...

唔知你地睇過未呢?未睇過,買番隻vcd睇吓...

上一篇講關於家規...我跟一個朋友就發生左一件趣事....而家講比blog友仔聽吓...

話說我以為住旺角o既時候,屋企對面有一間糖水舖....

有一晚,同一位朋友去完街食完飯之後都將近十一點三....

朋友話:大B,不如去食糖水啦~~去你屋企對面o個間啦...方便你十二點跑番屋企嘛....

我心諗都好啦...係對面...而且食糖水...好快食晒咖姐...畢畢吓就食晒咖啦....

點知..去到要排隊....都唔緊要啦...好快到我地....十一點半就有位坐....

點知我朋友叫左個芋泥刨冰....我就叫木瓜雪耳糖水...我梗係好快食完....(我去糖水舖,通常只叫杏仁茶或木瓜雪耳糖水..唔叫第二樣...)我見到朋友個刨冰開始標汗,高到呢....呈三角柱體...仲有好似漿糊咁o既芋泥...好明顯係有排食....

朋友見到我個標汗樣...安慰我:我好快食完咖姐....

結果,去到十一點四十五分....我呀娘追魂call開始殺到....但我個朋友仲係玩緊「將冰山劈開」...

到十一點五十二分....我同朋友講:快d...加油...加油...快d...努力....食晒佢...

朋友: 頂你咩....係咁催...邊食得切呀?

我:哈哈...總之快d...快d...我比多七分鐘你....最多我用一分鐘跑上樓...(我以前住唐樓,要行樓梯...住四樓...)

朋友含住舊芋泥差d想噴落我度.....

結果,朋友都係食唔晒....兼且好怨恨咁望住....

碗芋泥....

同埋我....

呢兩年一提起芋泥,我同我個fd都狂笑.....

朋友講番d芋泥幾似紅毛泥....我o個陣仲催佢...佢覺得d芋泥好似封住佢喉嚨咁...

個朋友識左好多年....所以我先咁樣同佢玩.....如果其他人...,我諗唔會咁夜仲食糖水,因為唔好意思催人地....

o個晚我arm arm好十二點返到屋企...

點解我咁清楚...?我屋企以前有個仿古老大鐘...逢搭正點,都會"當當"聲咁叫...

終於有得放假喇~~我可以用d假嚟做功課喇~~四日裡面我只會揀一日做晒佢....另一日就整d notes....跟住有兩日做咩好呢....食?訓?

arm arm過去o既星期四又係返學...呢日真係超攰....早前為免成日係手袋好似抽獎咁抽番d筆上嚟....我去買左個好得意o既筆袋....好彩冇人話我低b姐...呵呵~~o個日買係因為間嘢要搬...d嘢平賣呀..筆袋由$48減到$38...仲有貼紙...$12減到$5...當然平時我係唔會用貼紙啦...我用嚟寫信比助養仔仔用咖嘛...d貼紙立體都係$5...仲唔即刻買咩...hehe...

成晚小兔都比人拎嚟玩...我諗佢仲攰過我....但佢真係好可愛...我d同學仔或者同學女都讚佢超可愛,但比人話佢超似一個男同學....我唔制呀~~小兔係女仔嚟咖嘛....點會似叔叔姐?

神化主人同佢影左一張相...哈哈~~

差唔多放學十點...我已經攰到手筋痴腳筋....同學J話不如去食嘢...不停lur我去食嘢(猛話去啦...去啦...大B...做咩唔去姐..)睬佢都傻....同佢去食完嘢...返到屋企咪十二點幾....由hku返屋企起碼要一個鐘....我過十二點返屋企,我呀娘殺左我都似...我家家規:不能過十二點歸家....不過關於呢條家規,我D朋友有不少怨言....不過其實我覺得好正常....女仔嘛...去咁夜做咩....

呢條家規試過令我同朋友出街出現過一D情況...係好搞笑....下次再講....