熨返工衫其實一d唔難到我...不過只係熨屋企人o個d...自己o個d好少熨..大概是我懶熨吧~~

而家已經好少熨屋企人o既衫..因為放左工已經攰到隻狗咁...仲邊會熨衫...而家全部都係呀媽熨...

尋晚見呀媽個樣好攰,所以都幫一次手...

一口氣熨晒咁多日(其實幫呀哥熨)要著o既...幫呀哥將d衫擺番入衣櫃o個陣,見到有一大塊「梅菜」係櫃入面瑟縮一角...仲隱約有一陣邪味飄出嚟...

我大聲叫:呀哥,你件衫係咪今日著過?

呀哥:係呀...

我:你著過做咩隊番入櫃...臭咖wor...

呀哥:咁冇人熨ma....

我:呀~~~~~~~~~~~~~~~~

呀哥:你個樣好似中左「毒」咁wor...

我:好彩我長期鼻敏感姐...塞左一邊鼻咋...如果兩邊鼻通晒,我暈係你間房都似...

呀哥:@#%@*&^@$%@

我:哈哈~~

因為小妹好鐘意王喜o既關係..所以即使一直鬧套劇依然一直睇...

除左冇睇佢入面撞車o個後半集,真係唔忍心睇....

之後都係keep住睇番....

睇到王喜想自殺o個集,我不禁喊左出嚟..我諗起舊年因自殺而唔係度o個位朋友..我會想像到佢自殺前o既心路歷程...我覺得好唏噓...

睇到大結局,簡慕華(飾演何姑娘)同王喜講o既幾句說話..我而家仲會記起....

何姑娘話你呢d好聽就叫做痴情,唔好聽就叫做執著..

何姑娘:點解你外表咁堅毅,內心咁脆弱o既?呢個世界有好多嘢值得你去欣賞咖...你真係搵唔到一個代替心目中o個個人咩?

睇到呢度,我有d眼濕濕....

可能我同呀牛都係咁執著...事事好認真...尤其係感情~~~

講到底..我都係仲係好鐘意07年識o個個人...雖則佢做過我短暫同事...雖則佢換畫已經去到第二次...但係我心目中搵唔到第二個代替到佢o既人...我無法忘記日日返工都要諗辦法整古我o既佢...無辦法忘記那個赴我打開飯盒,佢走嚟偷食我d餸o既佢...唔會忘記我同佢係cafe食lunch o既時間...唔會忘記係office日日都拎把間尺互片o既日子...仲有好多好多...

everytime聽到呢首歌..睇到呢首歌o既歌詞,我都會喊...

我冇心情同d無謂人應酬....希望可以快d開學...

我其實冇興趣同人家爭嘢玩...比人有個咁o既誤會真係天大o既冤枉....

而家對我最重要o既係讀書...其他都要擺埋一邊...

我只可以話到而家都係好鐘意好鐘意o個個"佢"....

其他男人走過嚟,我都唔會睇到...

唉~~~而家d女人好鬼麻煩...

問題係如果我走去朋友暗戀o既男人身邊,就話我衰格姐...

但我冇wor...我咩都冇做wor...仲刻意保持距離...唔了起話題講...仲想點?(平時我鐘意講笑搞氣氛)

咁人家走過嚟講嘢...禮貌上會答人...唔通唔笑唔出聲兼黑面?唔係啩...

我最憎三人行...

女性朋友仲揚言...我以後都唔叫佢出嚟喇~~~!!!(講到我好似話食左佢個男人咁...我連掂都冇掂過佢個男人呀...我寧願仆親都冇要佢扶啦..)

唉~~話之你啦...

咁驚,收埋個男人嘛...千祈唔好帶佢出嚟呀...一陣間,比我呢個女人仔捉番佢山洞tim呀...咁驚...

最安全收佢係灶底...再唔係收係雪櫃...呢個天氣咁熱,得閒打開個雪櫃涼吓冷氣又可以見吓個男人囉...

莫講話你帶唔帶個男人出嚟....就連呢位女性朋友,我會考慮吓應唔應約囉...

呢次係第二次喇~~我替個女仔有d驚....其實都未一齊...搞到個男人已經好似係屬於佢...

但個男人仲好似唔知咁....好奇怪~~

---------------------------------------------------------------------------------------------

其實我覺得自己都冇咩魅力姐...應該唔會有咩殺傷力咖?又唔係靚,又唔係可愛o個咋...做咩會惹呢d是非咖?哎呀~~唔好煩我啦喂...

好朋友問我:大B,你做咩成日都識埋呢d朋友咖?

我 :怕且撞鬼啩~~

好多嘢要做呀...他媽的多....做咩會計有咁多deadline咖...

今日係office做到想咆哮....好炆...d客連食飯時間都唔放過我...做咩姐...做咩唔比我食埋個lunch姐...搞到我早餐變午餐..到食午餐o個陣,個lunch box已經變左味....

我想殺人呀!!!!

聽日要去做義工同見到好朋友...心情應該可以會好番d...

由於我要做埋admin...我要上網訂文具....基本上...都去開一間嘢度訂...不過上次訂文具o個陣...就有一d唔好o既經歷...我覺得間嘢d customer services o既人好有問題...話覆我都冇覆..不過唯一好處係個送貨員都幾有禮貌...

今日個送貨員嚟到...依舊好有禮貌....

遞完張單比我就同我講:下次就唔係由我送嚟喇~~

我:點解呀?

送貨員傻笑住講:我辭左職喇..

我: oh~~

我聽完有d唔開心囉...因為我覺得呢個年青小伙子好有禮貌...比時下o既年青人仲要有禮貌...不過年青人又冇理由成世做送貨o既...呢個年青人真係最多都係廿一二...最初,我對佢印象唔多好...又金毛..髮尾仲留條尾咁...但後尾發覺佢好有禮貌....唔該前唔該後...都幾乖~~

我遇過太多冇禮貌o既人...遇到o個陣,真係想一腳伸晒佢地出馬路...

希望呢個年青人可以會有更好o既前途啦...我都好開心佢會話我知...

--------------------------------------------------------------------------------------------

之前遇到一個某大型速遞公司o既人仲奇怪...不過我覺得搞笑多d...

快件通常要給公司印...仲要印得好清楚...

我第一次印得一半....=.=:"哎呀~~死喇...印得一半tim..."

個速遞員竟然講:e...?咁鬼馬...

我心諗有幾鬼馬呀.....

再給多一次,都係給得一半...

我: oh no~又得一半tim....

個速遞員竟然用左把低b聲同我講:唔緊要啦...那~~咁樣咁樣咪睇到囉....

我當堂唔知好嬲定好笑...嬲就係自己問題啦...但笑o既係對方竟然用低b聲同我講嘢....仲想安慰我咁...

好搞笑~~

很累~~雖然我只係會計師樓o既一個細薯女...但就做到我死...o個個咁o既會計deadline真係煩死人...

不過成個七月發生左一件好唔開心o既事同一件開心o既事...

但感覺有d唔平衡..

好唔開心就梗係隻貓o既離去....

開心o既係成績出左喇~~

我有兩個B三個C呀~~無諗到考LCCI考極都唔合格o既我...讀LAW竟然有兩個B...都好呀...證明我唔係無腦嘛~~哈哈~~我注定同數字係無緣o既...

上星期五晚有朋友同我食飯...

朋友同我講:如果你第時做律師,可唔可以收平我?

我:err...你會搵我做咩?

朋友:可能係離婚呢...

我:諗咁遠做咩呀?你而家婚都未結...或者到時係你老公買樓轉你個名呢...唔好諗得咁灰得咖...

然後,我同朋友係cafe都笑到格格聲~~

確係...諗d嘢太複雜係唔好...

其實我知自己唔係一個樂觀o既人...不過我知唔開心o既感覺係好差...所以我寧願見到人地開心..係咪?

仲有,上星期六去左大澳...都唔知邊個死人頭提議...熱到我呀...成打成打電咁嘔晒出嚟...

夜晚食飯我仲呆吓呆吓....唉~~咁樣好糟蹋我d食物咖嘛...因為我唔係歡天喜地去食...d食物會唔開心咖...好彩我搽左防曬,唔係曬到成個賓賓咁....

星期日就去左書展...其實o個日已經攰到隻咩咁....不過應承左朋友,冇得推咁解咖姐...結果行左五個鐘...如果我隔離係一位高大威猛o既男士,真係好希望佢咩我呢隻咩返去...走o個陣幾乎想跪係度....我買左三本書...都幾好睇咖...

下次再講比大家聽,我買左咩書啦~~^^

諗唔到達用咩題目,唯有寫日子啦....

呢兩日個人都係渾渾沌沌....對左隻貓十八年...

突然有一日唔見左... 然後日日都係咁...

有位朋友話天下無不散之莚席...但好似唔係咁形容我呢種情況囉....

當然人永遠唔可以咁唔開心落去,但我都係人嚟咖姐....

隻貓"走"左兩日,唔通我要歡天喜地咩?

唉~~無咁好氣 ...有d人係鐘意同你不停拗....仲以為自己好有道理...真救命..

我有陣時真係會懷疑我呢個朋友講嘢係咪唔用腦...

例如佢尋日會問我:你隻受貓有冇喪著禮?

我:冇~

 佢:咁送去邊?當垃圾?

我睇完呢個msg真係有d shocked..."當垃圾..?"

你今天終於離開了....

我不會忘記你....

你跟我在一起十八年了...

沒想到以為本來只剩下兩個月的時間相處,到今天為止多了一年多時間...

人人都說你賺了...

但對於主人嚟講,幾耐都唔夠...

去到今日送你走.....係幾咁迫不得已o既事...

睇見你連企o既力都冇...聲又冇...我個心痛到裂開...

見到你咁...我真係忍唔住喊....

去到醫院,醫生拎你出嚟o個陣,竟然見你夾硬企起身...

我地都唔敢望住你打針離開....

我係醫院忍唔住再喊 ....

其實尋晚已經估佢係呢幾日o既事...只係估唔到咁快...

我個腦而家仍然都係一片空白...咩都諗唔到....

溝通係雙方面o既事...並唔係單方面o既事...

我同我呀媽溝通...我諗我比我好多朋友嚟得好...

係因為我覺得冇必要要隱瞞...

通常佢問到,我一定會答...因為係我世界,其實冇咩唔見得光....

我同呀媽成日都有好d好無聊但我又覺得好好笑o既對話...

例如...上個再上個星期去完澳門...

我呀媽係咁打嚟比我...問我幾時返到屋企...

呀媽:你落左船未呀?

我:落左喇...

呀媽:咁耐未行到地鐵站o既?

我:行緊啦...你唔好訓住呀~~我買左手信比你呀...

呀媽:咁客氣呀?我同你唔係好熟咋wor...

我:你同我唔熟唔緊要,我同你熟咪得囉...哈哈...跟住我係地鐵狂笑....(我o既狂笑令我d朋友非常側目...XDD)

我d朋友會好奇怪...點解我咁大個人....廿幾歲都要向呀媽報到...但又唔會發脾氣同講大話...

第一:我覺得為人子女係應該唔好做d嘢令父母擔心...可能我係單親家庭長大...我覺得呀媽身兼父職係好偉大...佢一個女人仔要擔心雙倍....所以我覺得無必要唔會令佢擔心我o既事...

第二:講大話....其實更加無必要....因為我講大話好易比人拆穿....

第三:發脾氣...唔會囉...我基本上只會發自己脾氣...

突然又諗起另一段對白....

話說考試前(o個陣五月)...我睇到雜誌話有一個地方食海南雞飯好正...

我:考完試我帶你去食海南雞飯呀...

呀媽:你幾時考完試?

我:六月中...

呀媽:咁耐?餓死都唔到你考完試啦...仲有成個月wor...

我:hey...咁你呢個月會煮飯咖ma...你先煮一個月飯等住先啦~啦~啦~...

呀媽:超~~~

我:哈哈哈哈~~

其實可能你覺得無咩特別....但我覺得好好笑~~好開心....

我係o個種日日返工前都會叫呀媽想打比我就打比我傾計o個種人,不過當然要係lunch時間打比我啦...如果佢真係打嚟,我會好開心...即使我呀媽只係講吓佢o個朝早做過d咩...我都會覺得好開心...雖然我其實係同佢住....不過lunch有一個咁o既電話,我下晝做嘢會特別開心...

有一次試過,我呀媽body check完打比我...

我問:你打左比呀哥未呀?

呀媽:未呀...一完就打比你啦...

我:好嘢...係打比我先....

呀媽:痴痴地....

我諗我真係痴痴地...哈哈哈哈~~

個心一直都好唔舒服...除左因為食左d氣管藥之外...可能仲因為....

其實一直知道自己個位置已經定左...

亦不可能再前進....

只係睇上天有個咁o既安排,我就知...

我知呢幾日"佢"會做手術...都係好早前我用另一個身份先知...仲要係佢主動話過我知...

但問題係現實裡面,我又唔可以同佢講...亦唔可以關心佢....

心中有說不出的苦~~~

今日突然諗起呢首歌...

彷彿聽別人故事,今天我豈可關心多一次....

又再讓這刺痛一再開始....

若是熱烈地愛多一次,放棄原來更易...

就算以後失去你,仍笑說不介意...

約人出街都要比人串....唔約喇...以後邊個都唔主動約,費事比人串~~~

咁冇禮貌....

我有時間唔好係屋企訓....

打機...

同食嘢...

為咩要比人串....

好無癮~~~!

食氣管藥又食到手震震咁....個心又跳得快....

仲要比人串....

有冇搞錯呀?

好想鬧人呀~~/.(咆哮中...)

想出去玩o個d...串完我又唔出嚟....唔想去o個d,就係咁打嚟...咁算係點先?

個天係咪玩我先???!